حنا الحديديين مانعرف الزيف
ملبوسنا ثوب الكرم والشجاعه
للضيف دله هيلها واصل الكيف
ونركيها على جمرِ تزايد ولاعه
ومن جاء بغانا بشرمقسومه السيف
نقطع عروقه ثم نطوي شراعه
حنا الحديديين اهل السيوف المراهيف
حنا الحديديين وهذي قناعه
رجالنا صوته جهوري له ارجيف
صوته خشوني مابصوته مياعه
يطرب سماع اللي حضر بالسواليف
اخبار قومِ مامشو فالدناعه
هاماتهم علياء نوايف مشاريف
ومن عزها ضاق الفضا باتساعه
ارجالنا حملوا حسان التواصيف
والرجل يعرف معدنه من طباعه
حنا الحديديين والحك نجيبا بالسيف
حنا الحديديين ربع وجماعه
تاريخنا حافل بجود ومواقيف
تاريخنا مشرق وزايد شعاعه
ياوجد حالي وجد بلِ مكاتيف
على ديار الحديديين ارض السباعه